CASTROS DO VAL DO DUBRA

1 Portomeiro
2 Buxán
3 Niveiro
4 Rial(totalmente destruído)
5 Pazo
6 Paramos
7 Portomouro
8 Malvárez



1 PORTOMEIRO

Lugar:Portomeiro
Parroquia: San Cosme de Portomeiro
Estado: En mal estado, ateigado de maleza
Descrición do castro(según X. Agrafoxo. Santiago, 1989)"Componse o castro ou castelo dun único recinto de forma ovalada e perfectamente adaptado ás posibilidades que lle ofrece a parte máis alta do monte. Este único recinto deféndese por un sólido sistema defensivo composto por un parapeto reforzado en todo o seu perímetro por numerosas afloracións graníticas que sirven de atalaias defensivas e baluartes de difícil superación. A croa móstrase moi irregular e de difícil estudio polo estado de abandono no que se encontra. A maleza cubre a totalidade da superficie interior e varios penedos atópanse a carón da defensa.
Medidas: N. S.: 70m. L.W.: 80m."



2 BUXAN

Lugar: Buxán
Parroquia: Santiago de Buxán
Estado: Arrasado
Descrición(según X. Agrafoxo. Santiago, 1989)"A súa situación actual impide calquera precisión con respecto dos antergos sistemas defensivos. O estado de aniquilamento é de tal consideración que só o especial emprazamento xeoestratéxico, floclore e escasos vestixios dun parapeto, permite determninar que existe un poboado castrexo"




3 NIVEIRO









Lugar: Niveiro
Parroquia: San Vicente de Niveiro
Estado: En bó estado, aínda que cuberto de vexetación.
Descrición(según X. Agrafoxo. Santiago, 1989)"Componse o castro dun recinto interior de forma ovalada acusadamente inclinado de levante a poñente. Deféndese por unha rexa muralla de pedra de mampostería que na banda onde o chan da croa acada a súa máxima pendente, a rexión que mira ó val do río Dubra, transfórmase nun terraplén de importante inclinación. A muralla atinxe as súas máximas proporcións na proximidade á capela de San Antonio. A altura interior é superior ós 4 m. aproximadamente. A medida que se vai desplazando ata ámbolos dous lados vai perdendo altura.
Medidas: N:S:: 80m L:W:: 85m."





4 RIAL

Lugar: O Castro
Parroquia: San Vicente de Rial
Estado: Desaparecido
Descrición: Sábese que houbo un castro pola súa toponimia e porque aparecíu un muiño de man de tempo prerromano-romano tamén desaparecido





5 PAZO

Lugar: O Pazo
Parroquia: San Salvador de Bembibre
Estado: Regular-mal. Hai un par de anos foi vítima dun desbroce para aproveitamento agrícola.
Descrición(según X. Agrafoxo. Santiago, 1989)"Ostenta o xacimento un único recinto circular protexido por un parapeto de terra que amosa escasas proporcións por causa de esmorecerse en todo o arredor ata as rexións limítrofes exteriores. Na parte interior deste recinto atópase unha acumulación de terra totalmente cuberta de piñeiros, que acada unha altura semellante á da defensa exterior, e entre eles un pequeno foso interior de escasísimas magnitudes dáda-las reducidísimas proporcións do xacimento. Nada mellor que a análise do perfil do castro para poder aprecia-la forma desta acrópole.
Medidas: N.S.: 50m. L.W. 50m."











6 PARAMOS

Lugar: Paramos

Parroquia: Santa María de Paramos

Estado: Bó. Cuberto de Maleza

Descrición(según X. Agrafoxo. Santiago, 1989"Presenta un único recinto central de forma ovalada e con clara tendencia a inclinarse dende o levante ó poñente e mais profundamente de sur a norte. A croa bastante irregular componse dun recinto dividido en dúas partes por un sector central que vai de oriente a occidente e que se eleva por enriba do nivel da acrópole situado na banda do norte e que pode actuar a xeito de valioso elemento defensivo ou pequeno foso. Arrodea a esta acrópole un parapeto de dimensións importantes por toda a banda meridional, dende o poñente ó levante, e que conserva tódalas súas magnitudes e proporcións ata o camiño que se adentra na croa.

Medidas: N.S.: 60m. L.W.: 70m."

7 PORTOMOURO

Lugar: Portomouro

Parroquia: San Cristobal de Portomouro

Estado: Mal.

Descrición(según X. Agrafoxo. Santiago, 1989)"Presenta un recinto central lixeiramente inclinado ás marxes do Tambre, de aspecto bastante uniforme e no que o seu sistema de protección consiste no levantamento dun sólido parapeto, cunha altura superior ós 5 m., e que pola banda meridional foi recentemente arrasado. Rodeando este recinto central atópase unha plataforma que nalgunhas partes é cinguida dun parapeto bastante esmorecido e que na banda septentrional foi totalmente arrasado. Mais que unha plataforma interior trátase dun foso defensivo de aproximadamente 10 m. de anchura que envolve a totalidade da croa castrexa.

Medidas: N.S.: 70m. L.W.: 85m.

"Preto atopamos a Pedra do Home(Tumbas excavadas en pedra, posiblemente, non foron estudiadas a fondo, da época sueva)

8 MALVARES

Lugar: Malvárez

Parroquia: San Vicente de Rial

Estado: En perigo de desaparición. Foi destruída a súa parte de poñente por dos desmontes, un recente

Descrición(según X. Agrafoxo. Santiago, 1989)"Presenta un recinto central único e de forma arriñonada, pero moi irregular, e cun maior desenvolvemento superficial da parte situada na rexión meridional. Amosa unha clara e visible inclinación de sur a norte, máis acusadas de poñente a levante, e deféndese por medio dunha forte muralla e terraplén en todo o perímetro. A muralla ostenta unha altura exterior superior ós 5 m. na banda que mira á aldea de Malváres Grande e vai perdendo consistencia a medida que vai desplazando cara os puntos sobresaíntes e angulosos da acrópole castrexa.

Medidas: N:S.: 110 m. L.W.: 60 m."